སྲོང་བཙན་སྒམ་པོ།
༡༥༽ ཟུ་ཙེ་ནི་གནམ་རུ་སྲོང་བཙན་དུས་ནས་བྱས་རྗེས་ཅན་གྱི་ནང་བློན་གྲས་སུ་བརྩི་བས་སྲོང་བཙན་གྱིས་ཀྱང་མཐོང་ཆེན་བྱེད། དེ་བས་ཁོས་བཙན་པོ་ལ། ཞང་སྣང་བློ་ལོག་ནས་བཙན་པོར་ངོ་ལོག་བྱ་རྩིས་འདུག ཅེས་དང༌།
༡༦༽ ཡང་ཞང་སྣང་སར་ཕོ་ཉ་བཏང་ནས། བཙན་པོས་ཁྱེད་ལ་བཀའ་བཀྱོན་གནང་གིན་འདུག ཁྱེད་སུམ་པའི་བློན་ཆེན་དུ་བསྐོས་པ་དེ་ཡང་དོན་ལ་ཁྱེད་རང་ནང་བློན་གྲས་ནས་ཕྱིར་འབུད་བཏང་བ་ཞིག་རེད། ཅེས་ཕྲ་མ་བཅུག་པས་ཞང་སྣང་ཡིད་ཆེས།
༡༧༽ ཁྲི་སྲོང་བཙན་གྱིས་བློན་ཆེན་ལྷན་ཚོགས་ཤིག་ཚོགས་པར་ཕྱོགས་སོ་སོར་ཕོ་ཉ་བཏང་བས། ཞང་སྣང་གིས་ནད་ཀྱིས་མནར་ནས་ཡོང་ཐུབ་མི་འདུག་ཅེས་མ་སོང་བས། བཙན་པོས་ཀྱང་ཞང་སྣང་བློ་ལོག་པ་བདེན་འདུག་སྙམ་སྟེ་དགོངས་པ་འཁྲུགས།
༡༨༽ ཟུ་ཙེས་བཙན་པོར། ཞང་སྣང་གིས་ཟིང་འཁྲུག་མ་བསླངས་གོང་ཕར་རྒོལ་གྱིས་ཁྲིམས་ལ་སྦྱར་ན་ལེགས་ཚུལ་ཞུས་པས་བཙན་པོས་མོས་མཐུན་གནང༌། དེ་ནས་ཟུ་ཙེས་གློ་བུར་དུ་སུམ་པར་འཇབ་དམག་དྲངས་ཏེ་མཁར་སྤུར་བའི་མཐའ་བསྐོར།
༡༩༽ དེར་ཟུ་ཙེ་ཡིས་སྔར་ནས་གཡོ་ཇུས་བཤམས་པ་ལྟར། གསང་མྱུལ་བ་ཞང་སྣང་གི་འཁོར་གཡོག་པ་ཚབ་གྱིམ་པོས་གཡོ་ཐབས་ཀྱིས་ཞང་སྣང་ལ་ལྐོག་མདའ་འཕངས་ཏེ་བཀྲོངས།
For the audio files